هل انت فخور انك مصرى تعيش فى مصر هل تشعر بالولاء والانتماء لمصر؟ هل تشعر ان عليك واجبات يجب ان تقدمها لمصر؟ هل مازلت تعيش فى اسطوره ان مصر هى ام الدنيا وان اللى بيشرب من النيل لازم يرجعله؟ كم مره رددت فيها بصدق مقوله مصطفى كامل ( لو لم اكن مصريا لوددت ان اكون مصريا)؟ وهل رددت من قبل اشعار احمد شوقى ( وطنى لو شغلت بالخلد عنه نازعتنى اليه فى الخلد نفسى) ؟ هل رددت اشعار صلاح جاهين من قبل (على اسم مصر التاريخ يقدر يقول ما شاء أنا مصر عندي أحب وأجمل الأشياء باحبها وهي مالكه الأرض شرق وغرب وباحبها وهي مرميه جريحة حرب باحبها بعنف وبرقة وعلى استحياء واكرهها وألعن أبوها بعشق زي الداء ) هل تحب مصر حقا ام تكرهها ؟ سالت هذا السؤال لنفسى ووجدت اننى اكره مصر بقدر ما احبها ولكن كيف هذا؟ ستعرف كيف عندما تتيقن ان مصر منقسمه جزءان مصر الشعب ومصر الحكومه فمصر التى احبها هى الشعب الكريم الشجاع المتسامح الذى يساعد الغير المتعاون وبتعاونه هذا يخفف من كوارث الحكومه اما مصر التى اكرهها وبشده هى الحكومه التى تقتل كل كلمه حق وتعذب كل معارض وتفقر الشعب وتنشر الفساد وتهدر الكرامه وتحاول ان تشطب من قاموس حياتك كل كلمه تدل على الحريه والديمقراطيه والمساواه اما رئيس مصر الذى وصل لمرحله الشيخوخه وتخطى عامه ال80 الذى يحكمنا لاكثر من7 2سنه حتى ظن انه سيخلد فيها بعد ان تخطى ال80 سنه الذى لااحلم حتى بان اعيش لنصف عمره بسبب المياه الملوثه والخضروات المهرمنه والمبيدات المسرطنه وارتفاع الاسعار والحديد والاسمنت والاحتكار والياس وعلى فكره اللى بيشرب من النيل مبيرجعلوش لانه مبيلحقش يروح فى حته ولو مصطفى كامل كان عايش فى الزمن ده كان فكر الف مره قبل مايقول جملته واعتقد انه مكانش هيقولها خصوصا فى زمن مبارك وابنه اللى فاكرين مصر عزبه ابوهم فمبارك يورثها لابنه وابنه يورثها لابنه وهكذا وكانه كتب علينا ان نعيش عبيدا لاهل مبارك هل مازلت فخور انك مصرى؟ واليك حال ابليس فى مصر بعد27 سنه من حكم مبارك على باب سفارة كندا.. لمحت ابليس و ف ايده استماره..بقول له على فين.. قاللي بص .. يا هجره يا اعاره..يا عم زهقت.. كفرت .. الاقيش معاك سيجاره.. انا انتهيت خلاص .. لا نافع وسواس ولا خناس ولا ليا عيش وسط الناس..دي عالم مجرمين.. عندكوا فائض ف الفساد..في كل البلاد..ومش محتاجين شياطين .. مليش عيش ف دي البلد..بقالي سنين عاطل .و انتوا بتعرفوا تقلبوا الحق باطل..و تسلكوا القاتل .. و تمشوا ف جنازة المقتول..ومفيش مشاكل..يا عم ده انا بقيت أوسوس بالمقلوب..و أقول للحرامي .. كفايه بقى .. توووووب..انت ايه . لوحدك هاتعمل كل الذنوب..و أنا ابليس أشتغل واعظ .. ولا كمساري ف اتوبيس..يا عم ده انا زمان كنت استنى حد ينسى يسمي وهو بياكل لقمته..دلوقتي كل اكلكم ملوث .. و بصراحه الواحد خايف على صحته..ده مفيش ضمير اساساً عشان اموته..و كل واحد بمزاجه .. خربانه ذمته..يا عم ده كل حاجه اتسرقت..وكده الاجيال الجديده م الحراميه اتظلمت..يا راجل ده من كتر ما لطشت معايا..خرجت ف مظاهره مع الناس اللي بتقول كفايه..و برضه ......... مفيش فايده
ليست هناك تعليقات:
إرسال تعليق